مدري تفو مدح والا شتيمة

البارحة جاني مـن الحـب مرسـال..من عقب ما بينـي وبينـه خصيمـة
وانا ترى في الحـب مانيـب فعّـال..ولا بعـد ولّـع بقلبـي هشيـمـه
ولا بعد غنّيت فـي ساعـة وصـال ...ولا بعد ذقـت الفـراق وجحيمـه
ولا جرى دمعي على الخـد همّـال...ولابعـد جربـت مــرّ الهزيـمـة
حتى وردنـي تالـي الليـل جـوال...وانا على شاهي وبسكـوت ديمـة
الرقم بايخ لكـن الصـوت قتـال ....كنه مثل صـوت المذيعـة حليمـة
قالت مساء الخير يـا طيّـب الفـال...قلـت ارحبـي ترحيبـةٍ مستديمـة
بالعود والصفـري ودلـة وفنجـال ...واجبك يا بنت الأصـول الكريمـة
ردت بضحكة ثم قالت وش الحـال؟...قلت اشهد إن الحال عقبك سقيمـة
قالت وهي تضحك بعد مثل الأطفال...وانـا بعـد كنـي بدونـك يتيمـة
من يـوم قالتهـا تزلزلـت زلـزال...من فجعتي كنـي مسـوي جريمـة
قلت ارفعي صوتك ترى مابه ارسال...كـذاب لكـنّ المصيبـة عظيمـة
قالت أقول اسمع ترى هرجنـا طـال...ممكـن تصاحبنـي ترانـي وسيمـة
واسمي الحقيقي أول حروفـه الـدال...لكـن يسمّونـي البنـات الزعيمـة
صحيح أحب الفخفخة واعشق المال.....لكـن ترانـي طاهـرة مستقيـمـة
ما عندي امغازل ولا (لعب يهّـال)..ما عندي إلا في الشرف والحشيمـة
بس الصراحة قلبي لشوفتـك مـال...واصبحت وحدك جالسٍ في صميمه
فكّر بعقلك واترك القيـل والقـال..واحذر تطيع اهل العقـول العقيمـة
وارسل علي الحين خمسميـة ريـال...أشحن بهـا جـوال أختـي غنيمـة
أو طقم غالي فيه خاتـم وسلسـال...أروح بـه فـي عـرس ولاّ عزيمـة
قلت الحقيقة مانيب رجـل أعمـال..ولانـي بتاجـر والمـوارد عديمـة
أنا الصراحة شبـه عطّـال بطّـال.....وعلاقتـي بالفقـر جـداً حميـمـة
والراتب الله يرحم الحـال مـا زال...محـدود والمصـروف ربـي عليمـه
والدين بـالآلاف والبنـك شغّـال..ياكـل فلوسـي بالربـا والظليمـة
والسوق طايح والغلا ضيّـق البـال...والموت والله صايـر اكبـر غنيمـة
قالت تحمّل بـس والحمـل ينشـال...خلك شديد الباس صلـب العزيمـة
ياخي تصرّف جعلك اتصيـر نشّـال..أهـم شـي إن النوايـا سليـمـة
لابد تفهمني علـى كـل الأحـوال...ما دمت من أهل العقـول الفهيمـة
قلت إيه والله فاهم اللي على البـال..لكن تـرى هـذي علينـا قديمـة
يا بنت هـذا صايـر اليـوم مـوال...للي تبي تلعب علـى ابـن اللئيمـة
يا بنت ما تدرين كـم فيـه محتـال...يلعب على الحبلين وانتـي غشيمـة
يا بنت كم من جاهلة دمعها سـال...من عقب ما جات العواقب وخيمـة
والبنت لا اقفى عرضها بيد الأنـذال...والله مـا يبقـى لهـا أي قيـمـة
قالت تبي ولاّ فخلّك علـى جـال...مهوب ناقصـني نصايـح حكيمـة
عز الله إنك للأسف منـت رجّـال..وانك قليل الذوق ما فيـك شيمـة
يا لعنبو اللي مـا يسطّـرك بنعـال...حتـى يعلمـك الغـزل يـا بهيمـة
تفو عليك وصكّت الخط في الحال... مدري ( تفو ) هي مدح ولاّ شتيمـة

منقول

تسلم علي الكلمات الرائعه يا قمرهم

استاذ مراد ايش غيرت اسمك
والا عندك اسم وفي اليمن اسم
تسلم على الكلمات المرموقة مثل صاحبها
تقبل مروري
تحياتي

هذه الابيات الشعرية مثل ما يقول المثل اياك اعني واسمعي ياجارة الشاعر يريد ان يوصل رسالة بس كل واحد يفهمها حسب فهمه

أنا فهمت يا مراد لكن حبيت أدردش معك
تقبل مروري
تحياتي

شكرا لك وعلى فكرة معلومه احب اوصلها للجميع الرسول صلى الله عليه وسلم استمع لقصيدة كعب بن زهير وهو يتغزل بمحبوبته داخل المسجد واعطاه بردته بعد ان مدحه بنهاية القصيدة

بانَتْ سُعادُ فَقَلبي اليومَ مَتْبولُ
مُتَيَّمٌ إثْرَها لم يُفْدَ مَكْبولُ

وما سعادُ غَداةَ البيْنِ إذ رَحَلوا
إلاّ أَغَنُّ غَضيضُ الطَّرْفِ مَكْحولُ

تَجْلو عَوارِضَ ذي ظَلْمٍ إذا ابْتَسَمَتْ
كأنّهُ مُنْهَلٌ بالرَّاحِ مَعْلولُ

شُجَّتْ بِذي شَبَمٍ مِنْ ماء مَحْنِيَةٍ
صافٍ بأَبْطَحَ أَضْحى وهُوَ مَشْمولُ

تَجْلو الرّياحُ القَذى عنهُ وأَفْرَطَهُ
مِن صَوْبِ سارِيَةٍ بيضٌ يَعالِيلُ

يا ويْحَها خُلَّةً لو أنّها صَدَقَتْ
مَوْعودَها أو لَوَ انَّ النُّصْحَ مَقْبولُ

لكِنَّها خُلَّةٌ قد سِيطَ مِن دَمِها
فَجْعٌ ووَلْعٌ وإخْلافٌ وتَبْديلُ

فما تَدومُ على حالٍ تكونُ بها
كما تَلَوَّنُ في أَثْوابِها الغولُ

وما تَمَسَّكُ بالوَصْلِ الذي زَعَمَتْ
إلاّ كما تُمْسِكُ الماءَ الغَرابيلُ

كانت مَوَاعيدُ عُرْقوبٍ لها مَثَلاً
وما مَواعيدُها إلاّ الأَباطيلُ

» تزوجت والا ماتزجوت
» مدري ليـــش ؟؟!!!